فريدي البياضي: اللي بيحصل في تكليف خريجي 2023 مهزلة بكل المقاييس

تقدم الدكتور فريدي البياضي عضو مجلس النواب ونائب رئيس الحزب المصري الديمقراطي الاجتماعي، بطلب إحاطة عاجل موجه إلى رئيس مجلس الوزراء ووزير الصحة والسكان بشأن تكليف نسب محدودة من خريجي دفعة 2023 من الصيادلة وأطباء الأسنان وأخصائيي العلاج الطبيعي.

البياضي:اللي بيحصل في تكليف خريجي 2023 مهزلة بكل المقاييس

وقال البياضي في طلب الإحاطة الذي تقدم به: "اللي بيحصل في تكليف خريجي 2023 مهزلة بكل المقاييس، وزارة الصحة قررت تكلّف 45٪ صيادلة – 40٪ أطباء أسنان – و25٪ بس علاج طبيعي بعد 3 سنين انتظار وفي نفس الوقت بتطلع بيانات من الوزارة نفسها بتقول إن في عجز شديد في المستشفيات والوحدات الصحية! حد يفهمنا بقى على أي أساس اتحددت النسب دي؟ مين حسبها؟ وبأي منطق؟ ولا هو قرار والسلام؟".

وأضاف البياضي :

“مينفعش تقولوا في فائض، وفي نفس الوقت المستشفيات بتصرخ من نقص الكوادر، ومحافظات كاملة مش لاقية صيادلة ولا علاج طبيعي ولا أطباء أسنان، الخريجين دول مش أرقام، دول شباب اتعلم واتدرب واستنى سنين عشان يخدم بلده، وفي الآخر يتقاله: “معلش.. مش دورك”! اللي بيحصل ده ظلم واضح، وإهدار لاستثمار الدولة في شبابها، وطريق مباشر لبطالة الكفاءات أو هجرتها”.

الحكومة بصدد خسارة جيل كامل من الأطباء

وطالب عضو مجلس النواب الحكومة طريقة حسابها للنسب التي تم تكليفها وهل توافق القرار مع العجز الكلي، وبيانات الحصر الحقيقي لكل محافظة، متساءلا لماذا لا تراجع الحكومة قرارها قبل خسارة جيل كامل.

واختتم قائلا: “الساكت على اللي بيحصل شريك فيه والخسارة في الآخر مش على الخريجين بس على المريض والمواطن”.